அஸ்ய ஶ்ரீஸப்தஶதீரஹஸ்யத்ரயஸ்ய நாராயண ருஷி꞉ அநுஷ்டுப்ச²ந்த³꞉ ஶ்ரீமஹாகாளீ மஹாலக்ஷ்மீ மஹாஸரஸ்வத்யோ தே³வதா யதோ²க்தப²லாவாப்த்யர்த²ம் ஜபே விநியோக³꞉ ।
ராஜோவாச ।
ப⁴க³வந்நவதாரா மே சண்டி³காயாஸ்த்வயோதி³தா꞉ ।
ஏதேஷாம் ப்ரக்ருதிம் ப்³ரஹ்மன் ப்ரதா⁴நம் வக்துமர்ஹஸி ॥ 1 ॥
ஆராத்⁴யம் யந்மயா தே³வ்யா꞉ ஸ்வரூபம் யேந ச த்³விஜ ।
விதி⁴நா ப்³ரூஹி ஸகலம் யதா²வத்ப்ரணதஸ்ய மே ॥ 2 ॥
ருஷிருவாச ।
இத³ம் ரஹஸ்யம் பரமமநாக்²யேயம் ப்ரசக்ஷதே ।
ப⁴க்தோ(அ)ஸீதி ந மே கிஞ்சித்தவாவாச்யம் நராதி⁴ப ॥ 3 ॥
ஸர்வஸ்யாத்³யா மஹாலக்ஷ்மீஸ்த்ரிகு³ணா பரமேஶ்வரீ ।
லக்ஷ்யாளக்ஷ்யஸ்வரூபா ஸா வ்யாப்ய க்ருத்ஸ்நம் வ்யவஸ்தி²தா ॥ 4 ॥
மாதுலுங்க³ம் க³தா³ம் கே²டம் பாநபாத்ரம் ச பி³ப்⁴ரதீ ।
நாக³ம் லிங்க³ம் ச யோநிம் ச பி³ப்⁴ரதீ ந்ருப மூர்த⁴நி ॥ 5 ॥
தப்தகாஞ்சநவர்ணாபா⁴ தப்தகாஞ்சநபூ⁴ஷணா ।
ஶூந்யம் தத³கி²லம் ஸ்வேந பூரயாமாஸ தேஜஸா ॥ 6 ॥
ஶூந்யம் தத³கி²லம் லோகம் விளோக்ய பரமேஶ்வரீ ।
ப³பா⁴ர ரூபமபரம் தமஸா கேவலேந ஹி ॥ 7 ॥
ஸா பி⁴ந்நாஞ்ஜநஸங்காஶா த³ம்ஷ்ட்ராஞ்சிதவராநநா ।
விஶாலலோசநா நாரீ ப³பூ⁴வ தநுமத்⁴யமா ॥ 8 ॥
க²ட்³க³பாத்ரஶிர꞉கே²டைரளங்க்ருதசதுர்பு⁴ஜா ।
கப³ந்த⁴ஹாரம் ஶிரஸா பி³ப்⁴ராணா ஹி ஶிர꞉ஸ்ரஜம் ॥ 9 ॥
தாம் ப்ரோவாச மஹாலக்ஷ்மீஸ்தாமஸீம் ப்ரமதோ³த்தமாம் ।
த³தா³மி தவ நாமாநி யாநி கர்மாணி தாநி தே ॥ 10 ॥
மஹாமாயா மஹாகாளீ மஹாமாரீ க்ஷுதா⁴ த்ருஷா ।
நித்³ரா த்ருஷ்ணா சைகவீரா காலராத்ரிர்து³ரத்யயா ॥ 11 ॥
இமாநி தவ நாமாநி ப்ரதிபாத்³யாநி கர்மபி⁴꞉ ।
ஏபி⁴꞉ கர்மாணி தே ஜ்ஞாத்வா யோ(அ)தீ⁴தே ஸோ(அ)ஶ்நுதே ஸுக²ம் ॥ 12 ॥
தாமித்யுக்த்வா மஹாலக்ஷ்மீ꞉ ஸ்வரூபமபரம் ந்ருப ।
ஸத்த்வாக்²யேநாதிஶுத்³தே⁴ந கு³ணேநேந்து³ப்ரப⁴ம் த³தௌ⁴ ॥ 13 ॥
அக்ஷமாலாங்குஶத⁴ரா வீணாபுஸ்தகதா⁴ரிணீ ।
ஸா ப³பூ⁴வ வரா நாரீ நாமாந்யஸ்யை ச ஸா த³தௌ³ ॥ 14 ॥
மஹாவித்³யா மஹாவாணீ பா⁴ரதீ வாக் ஸரஸ்வதீ ।
ஆர்யா ப்³ராஹ்மீ காமதே⁴நுர்வேத³க³ர்பா⁴ ஸுரேஶ்வரீ ॥ 15 ॥
அதோ²வாச மஹாலக்ஷ்மீர்மஹாகாளீம் ஸரஸ்வதீம் ।
யுவாம் ஜநயதாம் தே³வ்யௌ மிது²நே ஸ்வாநுரூபத꞉ ॥ 16 ॥
இத்யுக்த்வா தே மஹாலக்ஷ்மீ꞉ ஸஸர்ஜ மிது²நம் ஸ்வயம் ।
ஹிரண்யக³ர்பௌ⁴ ருசிரௌ ஸ்த்ரீபும்ஸௌ கமலாஸநௌ ॥ 17 ॥
ப்³ரஹ்மன் விதே⁴ விரிஞ்சேதி தா⁴தரித்யாஹ தம் நரம் ।
ஶ்ரீ꞉ பத்³மே கமலே லக்ஷ்மீத்யாஹ மாதா ஸ்த்ரியம் ச தாம் ॥ 18 ॥
மஹாகாளீ பா⁴ரதீ ச மிது²நே ஸ்ருஜத꞉ ஸஹ ।
ஏதயோரபி ரூபாணி நாமாநி ச வதா³மி தே ॥ 19 ॥
நீலகண்ட²ம் ரக்தபா³ஹும் ஶ்வேதாங்க³ம் சந்த்³ரஶேக²ரம் ।
ஜநயாமாஸ புருஷம் மஹாகாளீம் ஸிதாம் ஸ்த்ரியம் ॥ 20 ॥
ஸ ருத்³ர꞉ ஶங்கர꞉ ஸ்தா²ணு꞉ கபர்தீ³ ச த்ரிலோசந꞉ ।
த்ரயீ வித்³யா காமதே⁴நு꞉ ஸா ஸ்த்ரீ பா⁴ஷா ஸ்வராக்ஷரா ॥ 21 ॥
ஸரஸ்வதீ ஸ்த்ரியம் கௌ³ரீம் க்ருஷ்ணம் ச புருஷம் ந்ருப ।
ஜநயாமாஸ நாமாநி தயோரபி வதா³மி தே ॥ 22 ॥
விஷ்ணு꞉ க்ருஷ்ணோ ஹ்ருஷீகேஶோ வாஸுதே³வோ ஜநார்த³ந꞉ ।
உமா கௌ³ரீ ஸதீ சண்டீ³ ஸுந்த³ரீ ஸுப⁴கா³ ஶிவா ॥ 23 ॥
ஏவம் யுவதய꞉ ஸத்³ய꞉ புருஷத்வம் ப்ரபேதி³ரே ।
சக்ஷுஷ்மந்தோ(அ)நுபஶ்யந்தி நேதரே(அ)தத்³விதோ³ ஜநா꞉ ॥ 24 ॥
ப்³ரஹ்மணே ப்ரத³தௌ³ பத்நீம் மஹாலக்ஷ்மீர்ந்ருப த்ரயீம் ।
ருத்³ராய கௌ³ரீம் வரதா³ம் வாஸுதே³வாய ச ஶ்ரியம் ॥ 25 ॥
ஸ்வரயா ஸஹ ஸம்பூ⁴ய விரிஞ்சோ(அ)ண்ட³மஜீஜநத் ।
பி³பே⁴த³ ப⁴க³வான் ருத்³ரஸ்தத்³கௌ³ர்யா ஸஹ வீர்யவான் ॥ 26 ॥
அண்ட³மத்⁴யே ப்ரதா⁴நாதி³ கார்யஜாதமபூ⁴ந்ந்ருப ।
மஹாபூ⁴தாத்மகம் ஸர்வம் ஜக³த் ஸ்தா²வரஜங்க³மம் ॥ 27 ॥
புபோஷ பாலயாமாஸ தல்லக்ஷ்ம்யா ஸஹ கேஶவ꞉ ।
மஹாலக்ஷ்மீரேவமஜா ராஜன் ஸர்வேஶ்வரேஶ்வரீ ॥ 28 ॥
நிராகாரா ச ஸாகாரா ஸைவ நாநாபி⁴தா⁴நப்⁴ருத் ।
நாமாந்தரைர்நிரூப்யைஷா நாம்நா நாந்யேந கேநசித் ॥ 29 ॥
இதி ப்ராதா⁴நிகம் ரஹஸ்யம் ஸம்பூர்ணம் ।
Pradhanika Rahasyam
asya śrīsaptaśatīrahasyatrayasya nārāyaṇa r̥ṣiḥ anuṣṭupchandaḥ śrīmahākālī mahālakṣmī mahāsarasvatyō dēvatā yathōktaphalāvāptyarthaṁ japē viniyōgaḥ |
rājōvāca |
bhagavannavatārā mē caṇḍikāyāstvayōditāḥ |
ētēṣāṁ prakr̥tiṁ brahman pradhānaṁ vaktumarhasi || 1 ||
ārādhyaṁ yanmayā dēvyāḥ svarūpaṁ yēna ca dvija |
vidhinā brūhi sakalaṁ yathāvatpraṇatasya mē || 2 ||
r̥ṣiruvāca |
idaṁ rahasyaṁ paramamanākhyēyaṁ pracakṣatē |
bhaktō:’sīti na mē kiñcittavāvācyaṁ narādhipa || 3 ||
sarvasyādyā mahālakṣmīstriguṇā paramēśvarī |
lakṣyālakṣyasvarūpā sā vyāpya kr̥tsnaṁ vyavasthitā || 4 ||
mātuluṅgaṁ gadāṁ khēṭaṁ pānapātraṁ ca bibhratī |
nāgaṁ liṅgaṁ ca yōniṁ ca bibhratī nr̥pa mūrdhani || 5 ||
taptakāñcanavarṇābhā taptakāñcanabhūṣaṇā |
śūnyaṁ tadakhilaṁ svēna pūrayāmāsa tējasā || 6 ||
śūnyaṁ tadakhilaṁ lōkaṁ vilōkya paramēśvarī |
babhāra rūpamaparaṁ tamasā kēvalēna hi || 7 ||
sā bhinnāñjanasaṅkāśā daṁṣṭrāñcitavarānanā |
viśālalōcanā nārī babhūva tanumadhyamā || 8 ||
khaḍgapātraśiraḥkhēṭairalaṅkr̥tacaturbhujā |
kabandhahāraṁ śirasā bibhrāṇā hi śiraḥsrajam || 9 ||
tāṁ prōvāca mahālakṣmīstāmasīṁ pramadōttamām |
dadāmi tava nāmāni yāni karmāṇi tāni tē || 10 ||
mahāmāyā mahākālī mahāmārī kṣudhā tr̥ṣā |
nidrā tr̥ṣṇā caikavīrā kālarātrirduratyayā || 11 ||
imāni tava nāmāni pratipādyāni karmabhiḥ |
ēbhiḥ karmāṇi tē jñātvā yō:’dhītē sō:’śnutē sukham || 12 ||
tāmityuktvā mahālakṣmīḥ svarūpamaparaṁ nr̥pa |
sattvākhyēnātiśuddhēna guṇēnēnduprabhaṁ dadhau || 13 ||
akṣamālāṅkuśadharā vīṇāpustakadhāriṇī |
sā babhūva varā nārī nāmānyasyai ca sā dadau || 14 ||
mahāvidyā mahāvāṇī bhāratī vāk sarasvatī |
āryā brāhmī kāmadhēnurvēdagarbhā surēśvarī || 15 ||
athōvāca mahālakṣmīrmahākālīṁ sarasvatīm |
yuvāṁ janayatāṁ dēvyau mithunē svānurūpataḥ || 16 ||
ityuktvā tē mahālakṣmīḥ sasarja mithunaṁ svayam |
hiraṇyagarbhau rucirau strīpuṁsau kamalāsanau || 17 ||
brahman vidhē viriñcēti dhātarityāha taṁ naram |
śrīḥ padmē kamalē lakṣmītyāha mātā striyaṁ ca tām || 18 ||
mahākālī bhāratī ca mithunē sr̥jataḥ saha |
ētayōrapi rūpāṇi nāmāni ca vadāmi tē || 19 ||
nīlakaṇṭhaṁ raktabāhuṁ śvētāṅgaṁ candraśēkharam |
janayāmāsa puruṣaṁ mahākālīṁ sitāṁ striyam || 20 ||
sa rudraḥ śaṅkaraḥ sthāṇuḥ kapardī ca trilōcanaḥ |
trayī vidyā kāmadhēnuḥ sā strī bhāṣā svarākṣarā || 21 ||
sarasvatī striyaṁ gaurīṁ kr̥ṣṇaṁ ca puruṣaṁ nr̥pa |
janayāmāsa nāmāni tayōrapi vadāmi tē || 22 ||
viṣṇuḥ kr̥ṣṇō hr̥ṣīkēśō vāsudēvō janārdanaḥ |
umā gaurī satī caṇḍī sundarī subhagā śivā || 23 ||
ēvaṁ yuvatayaḥ sadyaḥ puruṣatvaṁ prapēdirē |
cakṣuṣmantō:’nupaśyanti nētarē:’tadvidō janāḥ || 24 ||
brahmaṇē pradadau patnīṁ mahālakṣmīrnr̥pa trayīm |
rudrāya gaurīṁ varadāṁ vāsudēvāya ca śriyam || 25 ||
svarayā saha sambhūya viriñcō:’ṇḍamajījanat |
bibhēda bhagavān rudrastadgauryā saha vīryavān || 26 ||
aṇḍamadhyē pradhānādi kāryajātamabhūnnr̥pa |
mahābhūtātmakaṁ sarvaṁ jagat sthāvarajaṅgamam || 27 ||
pupōṣa pālayāmāsa tallakṣmyā saha kēśavaḥ |
mahālakṣmīrēvamajā rājan sarvēśvarēśvarī || 28 ||
nirākārā ca sākārā saiva nānābhidhānabhr̥t |
nāmāntarairnirūpyaiṣā nāmnā nānyēna kēnacit || 29 ||
iti prādhānikaṁ rahasyaṁ sampūrṇam |