॥ ஓம் ॥
ருஷிருவாச ॥ 1 ॥
ஏதத்தே கதி²தம் பூ⁴ப தே³வீமாஹாத்ம்யமுத்தமம் ।
ஏவம் ப்ரபா⁴வா ஸா தே³வீ யயேத³ம் தா⁴ர்யதே ஜக³த் ॥ 2 ॥
வித்³யா ததை²வ க்ரியதே ப⁴க³வத்³விஷ்ணுமாயயா ।
தயா த்வமேஷ வைஶ்யஶ்ச ததை²வாந்யே விவேகிந꞉ ॥ 3 ॥
மோஹ்யந்தே மோஹிதாஶ்சைவ மோஹமேஷ்யந்தி சாபரே ।
தாமுபைஹி மஹாராஜ ஶரணம் பரமேஶ்வரீம் ॥ 4 ॥
ஆராதி⁴தா ஸைவ ந்ருணாம் போ⁴க³ஸ்வர்கா³பவர்க³தா³ ॥ 5 ॥
மார்கண்டே³ய உவாச ॥ 6 ॥
இதி தஸ்ய வச꞉ ஶ்ருத்வா ஸுரத²꞉ ஸ நராதி⁴ப꞉ ॥ 7 ॥
ப்ரணிபத்ய மஹாபா⁴க³ம் தம்ருஷிம் ஸம்ஶிதவ்ரதம் ।
நிர்விண்ணோ(அ)திமமத்வேந ராஜ்யாபஹரணேந ச ॥ 8 ॥
ஜகா³ம ஸத்³யஸ்தபஸே ஸ ச வைஶ்யோ மஹாமுநே ।
ஸந்த³ர்ஶநார்த²மம்பா³யா நதீ³புலிநமாஸ்தி²த꞉ ॥ 9 ॥
ஸ ச வைஶ்யஸ்தபஸ்தேபே தே³வீஸூக்தம் பரம் ஜபன் ।
தௌ தஸ்மின் புலிநே தே³வ்யா꞉ க்ருத்வா மூர்திம் மஹீமயீம் ॥ 10 ॥
அர்ஹணாம் சக்ரதுஸ்தஸ்யா꞉ புஷ்பதூ⁴பாக்³நிதர்பணை꞉ ।
நிராஹாரௌ யதாத்மாநௌ தந்மநஸ்கௌ ஸமாஹிதௌ ॥ 11 ॥
த³த³துஸ்தௌ ப³லிம் சைவ நிஜகா³த்ராஸ்ருகு³க்ஷிதம் ।
ஏவம் ஸமாராத⁴யதோஸ்த்ரிபி⁴ர்வர்ஷைர்யதாத்மநோ꞉ ॥ 12 ॥
பரிதுஷ்டா ஜக³த்³தா⁴த்ரீ ப்ரத்யக்ஷம் ப்ராஹ சண்டி³கா ॥ 13 ॥
தே³வ்யுவாச ॥ 14 ॥
யத்ப்ரார்த்²யதே த்வயா பூ⁴ப த்வயா ச குலநந்த³ந ।
மத்தஸ்தத்ப்ராப்யதாம் ஸர்வம் பரிதுஷ்டா த³தா³மி தத் ॥ 15 ॥
மார்கண்டே³ய உவாச ॥ 16 ॥
ததோ வவ்ரே ந்ருபோ ராஜ்யமவிப்⁴ரம்ஶ்யந்யஜந்மநி ।
அத்ரைவ ச நிஜம் ராஜ்யம் ஹதஶத்ருப³லம் ப³லாத் ॥ 17 ॥
ஸோ(அ)பி வைஶ்யஸ்ததோ ஜ்ஞாநம் வவ்ரே நிர்விண்ணமாநஸ꞉ ।
மமேத்யஹமிதி ப்ராஜ்ஞ꞉ ஸங்க³விச்யுதிகாரகம் ॥ 18 ॥
தே³வ்யுவாச ॥ 19 ॥
ஸ்வல்பைரஹோபி⁴ர்ந்ருபதே ஸ்வம் ராஜ்யம் ப்ராப்ஸ்யதே ப⁴வான் ॥ 20 ॥
ஹத்வா ரிபூநஸ்க²லிதம் தவ தத்ர ப⁴விஷ்யதி ॥ 21 ॥
ம்ருதஶ்ச பூ⁴ய꞉ ஸம்ப்ராப்ய ஜந்ம தே³வாத்³விவஸ்வத꞉ ॥ 22 ॥
ஸாவர்ணிகோ மநுர்நாம ப⁴வான் பு⁴வி ப⁴விஷ்யதி ॥ 23 ॥
வைஶ்யவர்ய த்வயா யஶ்ச வரோ(அ)ஸ்மத்தோ(அ)பி⁴வாஞ்சி²த꞉ ॥ 24 ॥
தம் ப்ரயச்சா²மி ஸம்ஸித்³த்⁴யை தவ ஜ்ஞாநம் ப⁴விஷ்யதி ॥ 25 ॥
மார்கண்டே³ய உவாச ॥ 26 ॥
இதி த³த்த்வா தயோர்தே³வீ யதா²பி⁴லஷிதம் வரம் ॥ 27 ॥
ப³பூ⁴வாந்தர்ஹிதா ஸத்³யோ ப⁴க்த்யா தாப்⁴யாமபி⁴ஷ்டுதா ।
ஏவம் தே³வ்யா வரம் லப்³த்⁴வா ஸுரத²꞉ க்ஷத்ரியர்ஷப⁴꞉ ॥ 28 ॥
ஸூர்யாஜ்ஜந்ம ஸமாஸாத்³ய ஸாவர்ணிர்ப⁴விதா மநு꞉ ॥ 29 ॥
॥ க்லீம் ஓம் ॥
இதி ஶ்ரீமார்கண்டே³யபுராணே ஸாவர்ணிகே மந்வந்தரே தே³வீமாஹாத்ம்யே ஸுரத²வைஶ்யயோர்வரப்ரதா³நம் நாம த்ரயோத³ஶோ(அ)த்⁴யாய꞉ ॥ 13 ॥
Suratha vaisya vara pradanam
|| ōm ||
r̥ṣiruvāca || 1 ||
ētattē kathitaṁ bhūpa dēvīmāhātmyamuttamam |
ēvaṁ prabhāvā sā dēvī yayēdaṁ dhāryatē jagat || 2 ||
vidyā tathaiva kriyatē bhagavadviṣṇumāyayā |
tayā tvamēṣa vaiśyaśca tathaivānyē vivēkinaḥ || 3 ||
mōhyantē mōhitāścaiva mōhamēṣyanti cāparē |
tāmupaihi mahārāja śaraṇaṁ paramēśvarīm || 4 ||
ārādhitā saiva nr̥ṇāṁ bhōgasvargāpavargadā || 5 ||
mārkaṇḍēya uvāca || 6 ||
iti tasya vacaḥ śrutvā surathaḥ sa narādhipaḥ || 7 ||
praṇipatya mahābhāgaṁ tamr̥ṣiṁ saṁśitavratam |
nirviṇṇō:’timamatvēna rājyāpaharaṇēna ca || 8 ||
jagāma sadyastapasē sa ca vaiśyō mahāmunē |
sandarśanārthamambāyā nadīpulinamāsthitaḥ || 9 ||
sa ca vaiśyastapastēpē dēvīsūktaṁ paraṁ japan |
tau tasmin pulinē dēvyāḥ kr̥tvā mūrtiṁ mahīmayīm || 10 ||
arhaṇāṁ cakratustasyāḥ puṣpadhūpāgnitarpaṇaiḥ |
nirāhārau yatātmānau tanmanaskau samāhitau || 11 ||
dadatustau baliṁ caiva nijagātrāsr̥gukṣitam |
ēvaṁ samārādhayatōstribhirvarṣairyatātmanōḥ || 12 ||
parituṣṭā jagaddhātrī pratyakṣaṁ prāha caṇḍikā || 13 ||
dēvyuvāca || 14 ||
yatprārthyatē tvayā bhūpa tvayā ca kulanandana |
mattastatprāpyatāṁ sarvaṁ parituṣṭā dadāmi tat || 15 ||
mārkaṇḍēya uvāca || 16 ||
tatō vavrē nr̥pō rājyamavibhraṁśyanyajanmani |
atraiva ca nijaṁ rājyaṁ hataśatrubalaṁ balāt || 17 ||
sō:’pi vaiśyastatō jñānaṁ vavrē nirviṇṇamānasaḥ |
mamētyahamiti prājñaḥ saṅgavicyutikārakam || 18 ||
dēvyuvāca || 19 ||
svalpairahōbhirnr̥patē svaṁ rājyaṁ prāpsyatē bhavān || 20 ||
hatvā ripūnaskhalitaṁ tava tatra bhaviṣyati || 21 ||
mr̥taśca bhūyaḥ samprāpya janma dēvādvivasvataḥ || 22 ||
sāvarṇikō manurnāma bhavān bhuvi bhaviṣyati || 23 ||
vaiśyavarya tvayā yaśca varō:’smattō:’bhivāñchitaḥ || 24 ||
taṁ prayacchāmi saṁsiddhyai tava jñānaṁ bhaviṣyati || 25 ||
mārkaṇḍēya uvāca || 26 ||
iti dattvā tayōrdēvī yathābhilaṣitaṁ varam || 27 ||
babhūvāntarhitā sadyō bhaktyā tābhyāmabhiṣṭutā |
ēvaṁ dēvyā varaṁ labdhvā surathaḥ kṣatriyarṣabhaḥ || 28 ||
sūryājjanma samāsādya sāvarṇirbhavitā manuḥ || 29 ||
|| klīṁ ōṁ ||
iti śrīmārkaṇḍēyapurāṇē sāvarṇikē manvantarē dēvīmāhātmyē surathavaiśyayōrvarapradānaṁ nāma trayōdaśō:’dhyāyaḥ || 13 ||