முருகா முருகா வேல் முருகா
முருகா முருகா வேல் முருகா
தங்கரதம் ஒன்று இங்கு அசைந்து வரச்
செந்தில் வளர் கந்தனுமே கொலுவிருக்க
நங்கை மலர் தெய்வானை வள்ளியுடன்
நான் வணங்கும் திருக்கோலம் காணுங்களேன் (முருகா)
தேவரெல்லாம் கூடி நின்று வடம் பிடிக்க
தென்பழநி வலம் வரும் தங்கரதமாம்
தங்கரத மீதமர்ந்து கொலுவிருக்கும்
தண்டபாணித் தெய்வமே சரணமய்யா (முருகா)
பன்னீரும் சந்தனமும் பாற்குடமாம்
பஞ்சாமிர்தம் விபூதி அபிஷேகம்
கொஞ்சு தமிழ்ப் பாலகனுக்குப் பழநியிலே
கோடிக்கண்கள் வேணுமாய் காண்பதற்கே (முருகா)
காவடிகள் உன்னைக் தேடி ஆடிவரும்
கால்நடையாய் பக்தர் கூட்டம் கோடிவரும்
சேவடியே சரணமேன வாழ்பவர்க்கே
செல்வநலம் தந்தருளும் கந்தவேளே (முருகா)
கொக்கரக்கோ சேவல் ஒன்று கூவிவர
கோல மயில் நின்று நடமாடிவர
சுப்பையா நானடிமை பாடிவர
சொக்கன் மகன்நீ அதனைக் கேட்டுவர (முருகா)
