॥ ஓம் ॥
ருஷிருவாச ॥ 1 ॥
இத்யாகர்ண்ய வசோ தே³வ்யா꞉ ஸ தூ³தோ(அ)மர்ஷபூரித꞉ ।
ஸமாசஷ்ட ஸமாக³ம்ய தை³த்யராஜாய விஸ்தராத் ॥ 2 ॥
தஸ்ய தூ³தஸ்ய தத்³வாக்யமாகர்ண்யாஸுரராட் தத꞉ ।
ஸக்ரோத⁴꞉ ப்ராஹ தை³த்யாநாமதி⁴பம் தூ⁴ம்ரளோசநம் ॥ 3 ॥
ஹே தூ⁴ம்ரளோசநாஶு த்வம் ஸ்வஸைந்யபரிவாரித꞉ ।
தாமாநய ப³லாத்³து³ஷ்டாம் கேஶாகர்ஷணவிஹ்வலாம் ॥ 4 ॥
தத்பரித்ராணத³꞉ கஶ்சித்³யதி³ வோத்திஷ்ட²தே꞉ ।
ஸ ஹந்தவ்யோ(அ)மரோ வாபி யக்ஷோ க³ந்த⁴ர்வ ஏவ வா ॥ 5 ॥
ருஷிருவாச ॥ 6 ॥
தேநா(ஆ)ஜ்ஞப்தஸ்தத꞉ ஶீக்⁴ரம் ஸ தை³த்யோ தூ⁴ம்ரளோசந꞉ ।
வ்ருத꞉ ஷஷ்ட்யா ஸஹஸ்ராணாமஸுராணாம் த்³ருதம் யயௌ ॥ 7 ॥
ஸ த்³ருஷ்ட்வா தாம் ததோ தே³வீம் துஹிநாசலஸம்ஸ்தி²தாம் ।
ஜகா³தோ³ச்சை꞉ ப்ரயாஹீதி மூலம் ஶும்ப⁴நிஶும்ப⁴யோ꞉ ॥ 8 ॥
ந சேத்ப்ரீத்யாத்³ய ப⁴வதீ மத்³ப⁴ர்தாரமுபைஷ்யதி ।
ததோ ப³லாந்நயாம்யேஷ கேஶாகர்ஷணவிஹ்வலாம் ॥ 9 ॥
தே³வ்யுவாச ॥ 10 ॥
தை³த்யேஶ்வரேண ப்ரஹிதோ ப³லவான் ப³லஸம்வ்ருத꞉ ।
ப³லாந்நயஸி மாமேவம் தத꞉ கிம் தே கரோம்யஹம் ॥ 11 ॥
ருஷிருவாச ॥ 12 ॥
இத்யுக்த꞉ ஸோ(அ)ப்⁴யதா⁴வத்தாமஸுரோ தூ⁴ம்ரளோசந꞉ ।
ஹுங்காரேணைவ தம் ப⁴ஸ்ம ஸா சகாராம்பி³கா ததா³ ॥ 13 ॥
அத² க்ருத்³த⁴ம் மஹாஸைந்யமஸுராணாம் ததா²ம்பி³கா ।
வவர்ஷ ஸாயகைஸ்தீக்ஷ்ணைஸ்ததா² ஶக்திபரஶ்வதை⁴꞉ ॥ 14 ॥
ததோ து⁴தஸட꞉ கோபாத் க்ருத்வா நாத³ம் ஸுபை⁴ரவம் ।
பபாதாஸுரஸேநாயாம் ஸிம்ஹோ தே³வ்யா꞉ ஸ்வவாஹந꞉ ॥ 15 ॥
காம்ஶ்சித் கரப்ரஹாரேண தை³த்யாநாஸ்யேந சாபரான் ।
ஆக்ராந்த்யா சாத⁴ரேணாந்யான் ஜகா⁴ந ஸ மஹாஸுரான் ॥ 16 ॥
கேஷாஞ்சித்பாடயாமாஸ நகை²꞉ கோஷ்டா²நி கேஸரீ ।
ததா² தலப்ரஹாரேண ஶிராம்ஸி க்ருதவான் ப்ருத²க் ॥ 17 ॥
விச்சி²ந்நபா³ஹுஶிரஸ꞉ க்ருதாஸ்தேந ததா²பரே ।
பபௌ ச ருதி⁴ரம் கோஷ்டா²த³ந்யேஷாம் து⁴தகேஸர꞉ ॥ 18 ॥
க்ஷணேந தத்³ப³லம் ஸர்வம் க்ஷயம் நீதம் மஹாத்மநா ।
தேந கேஸரிணா தே³வ்யா வாஹநேநாதிகோபிநா ॥ 19 ॥
ஶ்ருத்வா தமஸுரம் தே³வ்யா நிஹதம் தூ⁴ம்ரளோசநம் ।
ப³லம் ச க்ஷயிதம் க்ருத்ஸ்நம் தே³வீகேஸரிணா தத꞉ ॥ 20 ॥
சுகோப தை³த்யாதி⁴பதி꞉ ஶும்ப⁴꞉ ப்ரஸ்பு²ரிதாத⁴ர꞉ ।
ஆஜ்ஞாபயாமாஸ ச தௌ சண்ட³முண்டௌ³ மஹாஸுரௌ ॥ 21 ॥
ஹே சண்ட³ ஹே முண்ட³ ப³லைர்ப³ஹுபி⁴꞉ பரிவாரிதௌ ।
தத்ர க³ச்ச²த க³த்வா ச ஸா ஸமாநீயதாம் லகு⁴ ॥ 22 ॥
கேஶேஷ்வாக்ருஷ்ய ப³த்³த்⁴வா வா யதி³ வ꞉ ஸம்ஶயோ யுதி⁴ ।
ததா³(அ)ஶேஷாயுதை⁴꞉ ஸர்வைரஸுரைர்விநிஹந்யதாம் ॥ 23 ॥
தஸ்யாம் ஹதாயாம் து³ஷ்டாயாம் ஸிம்ஹே ச விநிபாதிதே ।
ஶீக்⁴ரமாக³ம்யதாம் ப³த்³த்⁴வா க்³ருஹீத்வா தாமதா²ம்பி³காம் ॥ 24 ॥
॥ ஓம் ॥
இதி ஶ்ரீமார்கண்டே³யபுராணே ஸாவர்ணிகே மந்வந்தரே தே³வீமாஹாத்ம்யே தூ⁴ம்ரளோசநவதோ⁴ நாம ஷஷ்டோ²(அ)த்⁴யாய꞉ ॥ 6 ॥
Dhumralochana vadha
|| ōm ||
r̥ṣiruvāca || 1 ||
ityākarṇya vacō dēvyāḥ sa dūtō:’marṣapūritaḥ |
samācaṣṭa samāgamya daityarājāya vistarāt || 2 ||
tasya dūtasya tadvākyamākarṇyāsurarāṭ tataḥ |
sakrōdhaḥ prāha daityānāmadhipaṁ dhūmralōcanam || 3 ||
hē dhūmralōcanāśu tvaṁ svasainyaparivāritaḥ |
tāmānaya balādduṣṭāṁ kēśākarṣaṇavihvalām || 4 ||
tatparitrāṇadaḥ kaścidyadi vōttiṣṭhatēḥ |
sa hantavyō:’marō vāpi yakṣō gandharva ēva vā || 5 ||
r̥ṣiruvāca || 6 ||
tēnā:’:’jñaptastataḥ śīghraṁ sa daityō dhūmralōcanaḥ |
vr̥taḥ ṣaṣṭyā sahasrāṇāmasurāṇāṁ drutaṁ yayau || 7 ||
sa dr̥ṣṭvā tāṁ tatō dēvīṁ tuhinācalasaṁsthitām |
jagādōccaiḥ prayāhīti mūlaṁ śumbhaniśumbhayōḥ || 8 ||
na cētprītyādya bhavatī madbhartāramupaiṣyati |
tatō balānnayāmyēṣa kēśākarṣaṇavihvalām || 9 ||
dēvyuvāca || 10 ||
daityēśvarēṇa prahitō balavān balasaṁvr̥taḥ |
balānnayasi māmēvaṁ tataḥ kiṁ tē karōmyaham || 11 ||
r̥ṣiruvāca || 12 ||
ityuktaḥ sō:’bhyadhāvattāmasurō dhūmralōcanaḥ |
huṅkārēṇaiva taṁ bhasma sā cakārāmbikā tadā || 13 ||
atha kruddhaṁ mahāsainyamasurāṇāṁ tathāmbikā |
vavarṣa sāyakaistīkṣṇaistathā śaktiparaśvadhaiḥ || 14 ||
tatō dhutasaṭaḥ kōpāt kr̥tvā nādaṁ subhairavam |
papātāsurasēnāyāṁ siṁhō dēvyāḥ svavāhanaḥ || 15 ||
kāṁścit karaprahārēṇa daityānāsyēna cāparān |
ākrāntyā cādharēṇānyān jaghāna sa mahāsurān || 16 ||
kēṣāñcitpāṭayāmāsa nakhaiḥ kōṣṭhāni kēsarī |
tathā talaprahārēṇa śirāṁsi kr̥tavān pr̥thak || 17 ||
vicchinnabāhuśirasaḥ kr̥tāstēna tathāparē |
papau ca rudhiraṁ kōṣṭhādanyēṣāṁ dhutakēsaraḥ || 18 ||
kṣaṇēna tadbalaṁ sarvaṁ kṣayaṁ nītaṁ mahātmanā |
tēna kēsariṇā dēvyā vāhanēnātikōpinā || 19 ||
śrutvā tamasuraṁ dēvyā nihataṁ dhūmralōcanam |
balaṁ ca kṣayitaṁ kr̥tsnaṁ dēvīkēsariṇā tataḥ || 20 ||
cukōpa daityādhipatiḥ śumbhaḥ prasphuritādharaḥ |
ājñāpayāmāsa ca tau caṇḍamuṇḍau mahāsurau || 21 ||
hē caṇḍa hē muṇḍa balairbahubhiḥ parivāritau |
tatra gacchata gatvā ca sā samānīyatāṁ laghu || 22 ||
kēśēṣvākr̥ṣya baddhvā vā yadi vaḥ saṁśayō yudhi |
tadā:’śēṣāyudhaiḥ sarvairasurairvinihanyatām || 23 ||
tasyāṁ hatāyāṁ duṣṭāyāṁ siṁhē ca vinipātitē |
śīghramāgamyatāṁ baddhvā gr̥hītvā tāmathāmbikām || 24 ||
|| ōm ||
iti śrīmārkaṇḍēyapurāṇē sāvarṇikē manvantarē dēvīmāhātmyē dhūmralōcanavadhō nāma ṣaṣṭhō:’dhyāyaḥ || 6 ||