அஸ்ய ஶ்ரீகீலகஸ்தோத்ரமந்த்ரஸ்ய ஶிவருஷி꞉, அநுஷ்டுப் ச²ந்த³꞉, ஶ்ரீ மஹாஸரஸ்வதீ தே³வதா, ஶ்ரீஜக³த³ம்பா³ப்ரீத்யர்தே² ஸப்தஶதீபாடா²ங்க³ ஜபே விநியோக³꞉ ।
ஓம் நமஶ்சண்டி³காயை ।
மார்கண்டே³ய உவாச ।
விஶுத்³த⁴ஜ்ஞாநதே³ஹாய த்ரிவேதீ³தி³வ்யசக்ஷுஷே ।
ஶ்ரேய꞉ப்ராப்திநிமித்தாய நம꞉ ஸோமார்த⁴தா⁴ரிணே ॥ 1 ॥
ஸர்வமேதத்³விஜாநீயாந்மந்த்ராணாமபி கீலகம் ।
ஸோ(அ)பி க்ஷேமமவாப்நோதி ஸததம் ஜாப்யதத்பர꞉ ॥ 2 ॥
ஸித்³த்⁴யந்த்யுச்சாடநாதீ³நி வஸ்தூநி ஸகலாந்யபி ।
ஏதேந ஸ்துவதாம் தே³வீம் ஸ்தோத்ரமாத்ரேண ஸித்³த்⁴யதி ॥ 3 ॥
ந மந்த்ரோ நௌஷத⁴ம் தத்ர ந கிஞ்சித³பி வித்³யதே ।
விநா ஜாப்யேந ஸித்³த்⁴யேத ஸர்வமுச்சாடநாதி³கம் ॥ 4 ॥
ஸமக்³ராண்யபி ஸித்³த்⁴யந்தி லோகஶங்காமிமாம் ஹர꞉ ।
க்ருத்வா நிமந்த்ரயாமாஸ ஸர்வமேவமித³ம் ஶுப⁴ம் ॥ 5 ॥
ஸ்தோத்ரம் வை சண்டி³காயாஸ்து தச்ச கு³ப்தம் சகார ஸ꞉ ।
ஸமாப்திர்ந ச புண்யஸ்ய தாம் யதா²வந்நியந்த்ரணாம் ॥ 6 ॥
ஸோ(அ)பி க்ஷேமமவாப்நோதி ஸர்வமேவ ந ஸம்ஶய꞉ ।
க்ருஷ்ணாயாம் வா சதுர்த³ஶ்யாமஷ்டம்யாம் வா ஸமாஹித꞉ ॥ 7 ॥
த³தா³தி ப்ரதிக்³ருஹ்ணாதி நாந்யதை²ஷா ப்ரஸீத³தி ।
இத்த²ம் ரூபேண கீலேந மஹாதே³வேந கீலிதம் ॥ 8 ॥
யோ நிஷ்கீலாம் விதா⁴யைநாம் நித்யம் ஜபதி ஸஸ்பு²டம் ।
ஸ ஸித்³த⁴꞉ ஸ க³ண꞉ ஸோ(அ)பி க³ந்த⁴ர்வோ ஜாயதே வநே ॥ 9 ॥
ந சைவாப்யடதஸ்தஸ்ய ப⁴யம் க்வாபி ஹி ஜாயதே ।
நாபம்ருத்யுவஶம் யாதி ம்ருதோ மோக்ஷமவாப்நுயாத் ॥ 10 ॥
ஜ்ஞாத்வா ப்ராரப்⁴ய குர்வீத ஹ்யகுர்வாணோ விநஶ்யதி ।
ததோ ஜ்ஞாத்வைவ ஸம்பந்நமித³ம் ப்ராரப்⁴யதே பு³தை⁴꞉ ॥ 11 ॥
ஸௌபா⁴க்³யாதி³ ச யத்கிஞ்சித்³த்³ருஶ்யதே லலநாஜநே ।
தத்ஸர்வம் தத்ப்ரஸாதே³ந தேந ஜாப்யமித³ம் ஶுப⁴ம் ॥ 12 ॥
ஶநைஸ்து ஜப்யமாநே(அ)ஸ்மிம்ஸ்தோத்ரே ஸம்பத்திருச்சகை꞉ ।
ப⁴வத்யேவ ஸமக்³ராபி தத꞉ ப்ராரப்⁴யமேவ தத் ॥ 13 ॥
ஐஶ்வர்யம் யத்ப்ரஸாதே³ந ஸௌபா⁴க்³யாரோக்³யஸம்பத³꞉ ।
ஶத்ருஹாநி꞉ பரோ மோக்ஷ꞉ ஸ்தூயதே ஸா ந கிம் ஜநை꞉ ॥ 14 ॥
இதி ஶ்ரீப⁴க³வத்யா꞉ கீலக ஸ்தோத்ரம் ।
Kilaka Stotram
asya śrīkīlakastōtramantrasya śivar̥ṣiḥ, anuṣṭup chandaḥ, śrī mahāsarasvatī dēvatā, śrījagadambāprītyarthē saptaśatīpāṭhāṅga japē viniyōgaḥ |
ōṁ namaścaṇḍikāyai |
mārkaṇḍēya uvāca |
viśuddhajñānadēhāya trivēdīdivyacakṣuṣē |
śrēyaḥprāptinimittāya namaḥ sōmārdhadhāriṇē || 1 ||
sarvamētadvijānīyānmantrāṇāmapi kīlakam |
sō:’pi kṣēmamavāpnōti satataṁ jāpyatatparaḥ || 2 ||
siddhyantyuccāṭanādīni vastūni sakalānyapi |
ētēna stuvatāṁ dēvīṁ stōtramātrēṇa siddhyati || 3 ||
na mantrō nauṣadhaṁ tatra na kiñcidapi vidyatē |
vinā jāpyēna siddhyēta sarvamuccāṭanādikam || 4 ||
samagrāṇyapi siddhyanti lōkaśaṅkāmimāṁ haraḥ |
kr̥tvā nimantrayāmāsa sarvamēvamidaṁ śubham || 5 ||
stōtraṁ vai caṇḍikāyāstu tacca guptaṁ cakāra saḥ |
samāptirna ca puṇyasya tāṁ yathāvanniyantraṇām || 6 ||
sō:’pi kṣēmamavāpnōti sarvamēva na saṁśayaḥ |
kr̥ṣṇāyāṁ vā caturdaśyāmaṣṭamyāṁ vā samāhitaḥ || 7 ||
dadāti pratigr̥hṇāti nānyathaiṣā prasīdati |
itthaṁ rūpēṇa kīlēna mahādēvēna kīlitam || 8 ||
yō niṣkīlāṁ vidhāyaināṁ nityaṁ japati sasphuṭam |
sa siddhaḥ sa gaṇaḥ sō:’pi gandharvō jāyatē vanē || 9 ||
na caivāpyaṭatastasya bhayaṁ kvāpi hi jāyatē |
nāpamr̥tyuvaśaṁ yāti mr̥tō mōkṣamavāpnuyāt || 10 ||
jñātvā prārabhya kurvīta hyakurvāṇō vinaśyati |
tatō jñātvaiva sampannamidaṁ prārabhyatē budhaiḥ || 11 ||
saubhāgyādi ca yatkiñciddr̥śyatē lalanājanē |
tatsarvaṁ tatprasādēna tēna jāpyamidaṁ śubham || 12 ||
śanaistu japyamānē:’smiṁstōtrē sampattiruccakaiḥ |
bhavatyēva samagrāpi tataḥ prārabhyamēva tat || 13 ||
aiśvaryaṁ yatprasādēna saubhāgyārōgyasampadaḥ |
śatruhāniḥ parō mōkṣaḥ stūyatē sā na kiṁ janaiḥ || 14 ||
iti śrībhagavatyāḥ kīlaka stōtram |