ருஷிருவாச ।
நந்தா³ ப⁴க³வதீ நாம யா ப⁴விஷ்யதி நந்த³ஜா ।
ஸா ஸ்துதா பூஜிதா ப⁴க்த்யா வஶீகுர்யாஜ்ஜக³த்த்ரயம் ॥ 1 ॥ [த்⁴யாதா]
கநகோத்தமகாந்தி꞉ ஸா ஸுகாந்திகநகாம்ப³ரா ।
தே³வீ கநகவர்ணாபா⁴ கநகோத்தமபூ⁴ஷணா ॥ 2 ॥
கமலாங்குஶபாஶாப்³ஜைரளங்க்ருதசதுர்பு⁴ஜா ।
இந்தி³ரா கமலா லக்ஷ்மீ꞉ ஸா ஶ்ரீருக்மாம்பு³ஜாஸநா ॥ 3 ॥
யா ரக்தத³ந்திகா நாம தே³வீ ப்ரோக்தா மயாநக⁴ ।
தஸ்யா꞉ ஸ்வரூபம் வக்ஷ்யாமி ஶ்ருணு ஸர்வப⁴யாபஹம் ॥ 4 ॥
ரக்தாம்ப³ரா ரக்தவர்ணா ரக்தஸர்வாங்க³பூ⁴ஷணா ।
ரக்தாயுதா⁴ ரக்தநேத்ரா ரக்தகேஶாதிபீ⁴ஷணா ॥ 5 ॥
ரக்ததீக்ஷ்ணநகா² ரக்தத³ஶநா ரக்தத³ந்திகா ।
பதிம் நாரீவாநுரக்தா தே³வீ ப⁴க்தம் ப⁴ஜேஜ்ஜநம் ॥ 6 ॥
வஸுதே⁴வ விஶாலா ஸா ஸுமேருயுக³ளஸ்தநீ ।
தீ³ர்கௌ⁴ லம்பா³வதிஸ்தூ²லௌ தாவதீவமநோஹரௌ ॥ 7 ॥
கர்கஶாவதிகாந்தௌ தௌ ஸர்வாநந்த³பயோநிதீ⁴ ।
ப⁴க்தான் ஸம்பாயயேத்³தே³வீ ஸர்வகாமது³கௌ⁴ ஸ்தநௌ ॥ 8 ॥
க²ட்³க³ம் பாத்ரம் ச முஸலம் லாங்க³ளம் ச பி³ப⁴ர்தி ஸா ।
ஆக்²யாதா ரக்தசாமுண்டா³ தே³வீ யோகே³ஶ்வரீதி ச ॥ 9 ॥
அநயா வ்யாப்தமகி²லம் ஜக³த் ஸ்தா²வரஜங்க³மம் ।
இமாம் ய꞉ பூஜயேத்³ப⁴க்த்யா ஸ வ்யாப்நோதி சராசரம் ॥ 10 ॥
அதீ⁴தே ய இமம் நித்யம் ரக்தத³ந்த்யா வபு꞉ ஸ்தவம் ।
தம் ஸா பரிசரேத்³தே³வீ பதிம் ப்ரியமிவாங்க³நா ॥ 11 ॥
ஶாகம்ப⁴ரீ நீலவர்ணா நீலோத்பலவிளோசநா ।
க³ம்பீ⁴ரநாபி⁴ஸ்த்ரிவலீவிபூ⁴ஷிததநூத³ரீ ॥ 12 ॥
ஸுகர்கஶஸமோத்துங்க³வ்ருத்தபீநக⁴நஸ்தநீ ।
முஷ்டிம் ஶிலீமுகா²பூர்ணம் கமலம் கமலாலயா ॥ 13 ॥
புஷ்பபல்லவமூலாதி³ப²லாட்⁴யம் ஶாகஸஞ்சயம் ।
காம்யாநந்தரஸைர்யுக்தம் க்ஷுத்த்ருண்ம்ருத்யுஜராபஹம் ॥ 14 ॥
கார்முகம் ச ஸ்பு²ரத்காந்தி பி³ப்⁴ரதீ பரமேஶ்வரீ ।
ஶாகம்ப⁴ரீ ஶதாக்ஷீ ஸா ஸைவ து³ர்கா³ ப்ரகீர்திதா ॥ 15 ॥
விஶோகா து³ஷ்டத³மநீ ஶமநீ து³ரிதாபதா³ம் ।
உமா கௌ³ரீ ஸதீ சண்டீ³ காளிகா ஸா ச பார்வதீ ॥ 16 ॥
ஶாகம்ப⁴ரீம் ஸ்துவன் த்⁴யாயன் ஜபன் ஸம்பூஜயந்நமன் ।
அக்ஷய்யமஶ்நுதே ஶீக்⁴ரமந்நபாநாம்ருதம் ப²லம் ॥ 17 ॥
பீ⁴மாபி நீலவர்ணா ஸா த³ம்ஷ்ட்ராத³ஶநபா⁴ஸுரா ।
விஶாலலோசநா நாரீ வ்ருத்தபீநக⁴நஸ்தநீ ॥ 18 ॥
சந்த்³ரஹாஸம் ச ட³மரும் ஶிர꞉பாத்ரம் ச பி³ப்⁴ரதீ ।
ஏகவீரா காலராத்ரி꞉ ஸைவோக்தா காமதா³ ஸ்துதா ॥ 19 ॥
தேஜோமண்ட³லது³ர்த⁴ர்ஷா ப்⁴ராமரீ சித்ரகாந்திப்⁴ருத் ।
சித்ராநுலேபநா தே³வீ சித்ராப⁴ரணபூ⁴ஷிதா ॥ 20 ॥
சித்ரப்⁴ரமரபாணி꞉ ஸா மஹாமாரீதி கீ³யதே ।
இத்யேதா மூர்தயோ தே³வ்யா வ்யாக்²யாதா வஸுதா⁴தி⁴ப ॥ 21 ॥
ஜக³ந்மாதுஶ்சண்டி³காயா꞉ கீர்திதா꞉ காமதே⁴நவ꞉ ।
இத³ம் ரஹஸ்யம் பரமம் ந வாச்யம் கஸ்யசித்த்வயா ॥ 22 ॥
வ்யாக்²யாநம் தி³வ்யமூர்தீநாமபீ⁴ஷ்டப²லதா³யகம் ।
தஸ்மாத் ஸர்வப்ரயத்நேந தே³வீம் ஜப நிரந்தரம் ॥ 23 ॥
ஸப்தஜந்மார்ஜிதைர்கோ⁴ரைர்ப்³ரஹ்மஹத்யாஸமைரபி ।
பாட²மாத்ரேண மந்த்ராணாம் முச்யதே ஸர்வகில்பி³ஷை꞉ ॥ 24 ॥
தே³வ்யா த்⁴யாநம் மயா க்²யாதம் கு³ஹ்யாத்³கு³ஹ்யதரம் மஹத் ।
தஸ்மாத் ஸர்வப்ரயத்நேந ஸர்வகாமப²லப்ரத³ம் ॥ 25 ॥
இதி மூர்திரஹஸ்யம் ஸம்பூர்ணம் ।
Moorthi Rahasyam
r̥ṣiruvāca |
nandā bhagavatī nāma yā bhaviṣyati nandajā |
sā stutā pūjitā bhaktyā vaśīkuryājjagattrayam || 1 || [dhyātā]
kanakōttamakāntiḥ sā sukāntikanakāmbarā |
dēvī kanakavarṇābhā kanakōttamabhūṣaṇā || 2 ||
kamalāṅkuśapāśābjairalaṅkr̥tacaturbhujā |
indirā kamalā lakṣmīḥ sā śrīrukmāmbujāsanā || 3 ||
yā raktadantikā nāma dēvī prōktā mayānagha |
tasyāḥ svarūpaṁ vakṣyāmi śr̥ṇu sarvabhayāpaham || 4 ||
raktāmbarā raktavarṇā raktasarvāṅgabhūṣaṇā |
raktāyudhā raktanētrā raktakēśātibhīṣaṇā || 5 ||
raktatīkṣṇanakhā raktadaśanā raktadantikā |
patiṁ nārīvānuraktā dēvī bhaktaṁ bhajējjanam || 6 ||
vasudhēva viśālā sā sumēruyugalastanī |
dīrghau lambāvatisthūlau tāvatīvamanōharau || 7 ||
karkaśāvatikāntau tau sarvānandapayōnidhī |
bhaktān sampāyayēddēvī sarvakāmadughau stanau || 8 ||
khaḍgaṁ pātraṁ ca musalaṁ lāṅgalaṁ ca bibharti sā |
ākhyātā raktacāmuṇḍā dēvī yōgēśvarīti ca || 9 ||
anayā vyāptamakhilaṁ jagat sthāvarajaṅgamam |
imāṁ yaḥ pūjayēdbhaktyā sa vyāpnōti carācaram || 10 ||
adhītē ya imaṁ nityaṁ raktadantyā vapuḥ stavam |
taṁ sā paricarēddēvī patiṁ priyamivāṅganā || 11 ||
śākambharī nīlavarṇā nīlōtpalavilōcanā |
gambhīranābhistrivalīvibhūṣitatanūdarī || 12 ||
sukarkaśasamōttuṅgavr̥ttapīnaghanastanī |
muṣṭiṁ śilīmukhāpūrṇaṁ kamalaṁ kamalālayā || 13 ||
puṣpapallavamūlādiphalāḍhyaṁ śākasañcayam |
kāmyānantarasairyuktaṁ kṣuttr̥ṇmr̥tyujarāpaham || 14 ||
kārmukaṁ ca sphuratkānti bibhratī paramēśvarī |
śākambharī śatākṣī sā saiva durgā prakīrtitā || 15 ||
viśōkā duṣṭadamanī śamanī duritāpadām |
umā gaurī satī caṇḍī kālikā sā ca pārvatī || 16 ||
śākambharīṁ stuvan dhyāyan japan sampūjayannaman |
akṣayyamaśnutē śīghramannapānāmr̥taṁ phalam || 17 ||
bhīmāpi nīlavarṇā sā daṁṣṭrādaśanabhāsurā |
viśālalōcanā nārī vr̥ttapīnaghanastanī || 18 ||
candrahāsaṁ ca ḍamaruṁ śiraḥpātraṁ ca bibhratī |
ēkavīrā kālarātriḥ saivōktā kāmadā stutā || 19 ||
tējōmaṇḍaladurdharṣā bhrāmarī citrakāntibhr̥t |
citrānulēpanā dēvī citrābharaṇabhūṣitā || 20 ||
citrabhramarapāṇiḥ sā mahāmārīti gīyatē |
ityētā mūrtayō dēvyā vyākhyātā vasudhādhipa || 21 ||
jaganmātuścaṇḍikāyāḥ kīrtitāḥ kāmadhēnavaḥ |
idaṁ rahasyaṁ paramaṁ na vācyaṁ kasyacittvayā || 22 ||
vyākhyānaṁ divyamūrtīnāmabhīṣṭaphaladāyakam |
tasmāt sarvaprayatnēna dēvīṁ japa nirantaram || 23 ||
saptajanmārjitairghōrairbrahmahatyāsamairapi |
pāṭhamātrēṇa mantrāṇāṁ mucyatē sarvakilbiṣaiḥ || 24 ||
dēvyā dhyānam mayā khyātaṁ guhyādguhyataraṁ mahat |
tasmāt sarvaprayatnēna sarvakāmaphalapradam || 25 ||
iti mūrtirahasyaṁ sampūrṇam |